قائمة القدماء:
غريبه حيل هالدنيا تفرقنا بدون شعور
ولا ترحم ولا تعطف ولا تقدر محبتنا
صحيح الزمن غدار وايام الزمان تدور
وصحيح الوداع صعب هو اعظم مصيبتنا
توادعنا وتفرقنا ومشينا وسط ذاك السور
جميله سنيننا كانت سعادتنا وشقاوتنا
احد ينسى هذاك الصوت المعروف والمشهور
بصبحنا مع الطابور ونزيد بكلمتنا
وعشان نعصي كنا ناخر الطابور
ونتفلسف ونقهرهم نجاوبهم بضحكتنا
وتبدا الحصه الاولى ويجينا المدرس المغرور
نحاول نحرق اعصابه بما تحمله خبرتنا
ويجينا الثاني بوجه مبتسم ومسرور
ونقلب ضحكته هم وهاذي هي طبيعتنا
ننسى المدرس والحصه نشارك ننصب المجرور
نزيد الطين بله ونستعبط في اجابتنا
نسولف باول الحصه نكتب والقلم مكسور
نموه للمدرس مادرى وش هي كتابتنا
نشاغب نزعج ونضحك لكن قلبنا عصفور
نسامح غلطة الثاني لجل خاطر برائتنا
تحياتي يا ايام الدراسه واغفري المستور
كشفنا او تكلمنا عن الموجود بساحتنا
اصدقائي يوفقكم الله الواحد المشكور
اذا ضاقت بنا الدنيا يساعدنا بمصيبتنا
اصدقائي هاذيك ايام راحت والسنين شهور
فماااان الله ولا تنسون صحبتنا واخوتنا
----------
تلميذ -
1995
خريطة غير موجهة
